Тыва спортчуларның допинг ажыглааны дээш квалификациязын казыттырар таварылгаларның көвүдээни-биле, ТР-ниң Спорт яамызы тыва национал хүреш маргылдааларын эрттирер чурумун май айның турнирлеринден эгелеп шыңгыырадыр шиитпирни хүлээп алган.
2023 чылдың май 1-ге чедир национал хүреш маргылдаазынга киржир спортчу бүрүзү дараазында документини – “Антидопинг” дугайында өөредилгени эрткенин бадыткап турар РУСАДА-даның сертификадының хоолгазын көргүзери албан.
Апрель 18-те “Тыва” спорт школага ажылчы хурал болуп эрткен. Аңаа Национал хүреш федерациязының президентизи Аяс Монгуштуң киржилгези-биле тыва спортчуларның допингиге хамаарышкан культуразының дугайында чугаалашкан. Ол хуралдың түңнели-биле Федерация маргылдааны организастап тургаш, сертификат чок кижини хүрештирбес деп шиитпирлээн. Шак ол негелде шупту спортчуларга хамааржыр, мөгелерниң хар-назыны, алдар-адындан хамаарышпас болур.
Бир эвес онлайн-курсту боду эрткеш, сертификат алыр күзелдиг улус бар болза, бо айтыгже киргеш, билип ап болур: https://course.rusada.ru/
Ооң бетинде, спортчулар хууда кабинединче киргеш, антидопинг дугайында өөредилге материалын дыңнап алгаш, 10 айтырыгга харыылаар. Эки болур болза, 2023 чылдың төнчүзүнге чедир күштүг сертификатты алыр.
Студенты ТувГУ покорили жюри «Российской студенческой весны - 2023»
Накануне в городе Перми состоялась церемония награждения участников XXXI Всероссийского фестиваля «Российская студенческая весна», где студенческая делегация Тувинского госуниверситета стала призёром…