Частың болгаш күш-ажылдың хүнүнге база Улуг Тиилелгениң 77 чыл оюнга тураскааткан байырлал болгаш дыштанылга хүннеринде арага аймаан, ооң иштинде пивону садарын хоруурун Тываның Баштыңы Владислав Ховалыг муниципалитеттерге дааскан.
Тывага май байырлалдарында хөй чон киржилгелиг муң ажыг хемчег болур. Бо чылын байырлал хемчеглерин санитарлыг негелделерни сагып тургаш эрттирерин чөпшээрээн.
Частың болгаш күш-ажылдың байырлалында Кызылга күш-ажылчы коллективтерниң болгаш чурттакчы чоннуң чыскаалы, Арат шөлүнге «Май хөглээшкини» деп концерт, чайгы спортчу сезоннуң ажыдыышкынынга тураскааткан чадаг-терге чарыжы, тус чер бүдүрүкчүлериниң ярмарказы, Национал паркка аттракционнар ажыдыышкыны, Тыва Арат Республиканың 100 чыл оюнга тураскааткан «Сүзүүм – театр, күчүм – хүреш, чүрээм – Тыва» деп оюн-көргүзүг «Хүреш» стадионунга болуп эртер. Республика май 6-да Тываның күрүне байырлалы – Конституция хүнүн демдеглээр. Май 8, 9 хүннеринде Тиилелге комплекизиниң мөңге оттуг тураскаалының чанынга митингиден эгелээш Улуг Тиилелгениң 77 чыл оюнга тураскааткан чаңчылчаан хемчеглер болур.
Хоойлуга чөрүштүр арага аймаан садып-сайгарып турар фактыларны илередири-биле, полиция ажылдакчылары рейд ажыл-хемчеглерин чорудар. Полиция болгаш дарый хөделир албан черлери «кезээде белениниң» чурумунга ажылдаар. Хөй-ниитиниң чурумун камгалаарынга эки турачы улусчу дружиналарны база киириштирер.
Ол ышкаш Чазак Даргазы ады-төлдүң хайгаарал чок чоруун болдурбазы-биле, элээди болгаш назы четпээн уруглар киржилгелиг хемчеглерни онза хыналдага алырын дааскан.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.