Мал ажылының кайы-даа үези чымыштыг, ылаңгыя чазын. Ол үеде мал оолдаашкыны эгелээр.
Малчыннарның ажыл-ижинге боттуг дузаны чедирер дээш сакман ажылынче 497 кижини хаара туткан. Оларның иштинден кожууннарның Чонну ажылга хаара тудар төптерден – 42, дөргүл-төрелиниң аразындан – 416 кижи. Ол ышкаш республиканың ортумак болгаш дээди өөредилге черлеринден 119 студентини хаара туткан.
Тываның күрүне университеди час санында-ла республиканың көдээ ажыл-агыйларынга дузалажып, студентилерни сакмынчыладып чорудуп турар. Чоокта чаа көдээ ажыл-агый факультединиң студентилери малчыннарга мал оолдаашкынын чидириг чокка эрттиреринге дузалажып кирипкен.
Чеден ийи студент ажыл-агыйже үлелге ёзугаар Өвүр, Эрзин, Сүт-Хөл, Мөңгүн-Тайга кожууннарның мал ажылдыг ажыл-агыйларынче чорупкан. Хуваалданы республиканың Көдээ ажыл-агый яамызының киирген чагыы езугаар чорудуп турар. Эрткен чылдан тура студентилерниң дузазынга хереглелдиин «Кыштаг” болгаш «Чаа сорук» губернатор төлевилелдериниң киржикчилери – хууда ажыл-агыйлар база илереткен.
Подростки в Туве смогут зарабатывать на карманные расходы в свободное время
Минтруд Тувы сообщил, что подростки в возрасте 14–18 лет смогут заработать на карманные расходы в свободное от учебы время.