Тываның чурттакчылары хөй хүлээлгелиг «Мээң документилерим» төптүң виртуалдыг дузалакчызын MAX мессенджер дузазы-биле ажыглап болур.
Тускай чат-боттуң ажыглакчылары хөй хүлээлгелиг төпке бижидип ап, бодунуң билдириишкини канчаар шиитпирлеттинип турарын хайгаарап, ачы-дузаның чорудуунга хамаарыштыр санал-оналды арттырып, офистерниң адрестерин болгаш ажылдаар шактарын билип ап болур. «Мээң документилерим» албан езузунуң каналындан чат-ботче кирер.
Чат-ботту бүрүткедири берге эвес. Мессенджерде max.ru/mfctyva_ma... айтыг таварыштыр азы ады таварыштыр ону тып ап болур. Ажыттына берген каналга «Эгелээр» деп базыпкаш, бот-туң айтыышкыны езугаар, айтырыыңарны салып азы документилериңер канчап турарының дугайында медээлерни ап болур силер.
«MAX мессенджерде чаа чат-боттуң ажыктыг талалары хөй. Ажыглап турар кижиниң чөпшээрели-биле «Күрүне ачы-дузаларындан» медээлерни капсырылгаже киирип болур, ынчан бүгү херек документилер холда апаар» – деп, Тываның хөй хүлээлгелиг төвү дыңнаткан.
Ону кылырда MAX-та чурагайлыг ID-ни тургузуп алыр, ону 18 хардан өрү назылыг кижи бараан садып алырда назы-харын, студент азы чиигелделиг ачы-дузалар алыр хөй ажы-төлдүг ада-ие деп эрге-байдалын бадыткаарда ону ажыглаар. Чурагайлыг ID-ни тургузарда, Чаңгыс аай биометриктиг системада биометриязы херек. Чаа хевирниң даштыкы паспорту-биле азы банкыга ID-зин кылдырып турар үеде ону дорт бүрүткедип ап болур.
