Барыын-Хемчик кожууннуң "Мажалык" чечен чогаал каттыжыышкынының кежигүннери Ак-Довурактың уругларның үлегер-майыктың ном саңынга аалдап четкенин каттыжыышкын дыңнаткан.
"Мажалыкчылар" чаагайжыттынган ном саңынга ээлчеглиг кичээлди эрттирип, Барыын-Хемчик дугайында боттарының бижээни шүлүктерниң сайгарылгазын кылганнар.
Сайгарылга соонда кежигүн бүрүзү бодунуң шүлүүн уран номчулга-биле күүсеткен. Каттыжыышкының ээлчеглиг кичээлин, "Мажалыктың" удуртукчузу Орлан Мандат-оолович организастап эрттирген. С.Л. Күжүгет, А.А. Адыгаева, Д.О. Ооржак, Л.Д-Б. Саая, А.А. Ооржак, А. Д. Ооржак, М.Н. Серемел олар кичээлдиң идепкейлиг киржикчилери болуп олурушкан.
Дараазында Барыын-Хемчик кожуунунуң тургустунганындан бээр 100 чыл оюнга тураскааткан видео байыр чедириишкинин тырттырганнар. Каттыжыышкынның кежигүннери уругларның ном саңынга чылыг-чымчак уткуп алганы дээш четтиргенин илередип, ам-даа улам бурунгаар сайзыраарын күзээннер.
#Барыын_хемчиккожуун #Мажалык