Мерген адыгжының шаңналы – «Нива» маркалыг автомашина

«Наадым-2024» малчыннар байырлалынга тураскааткан эр улус аразынга «Тыва ча адар оюн: баг адар хевири» маргылдаазынга Эрзин кожууннуң төлээзи Эрес Нурзат Башкы тиилээш, «Нива» маркалыг автомашина-биле шаңнаткан.

Тускай шериг операциязының киржикчизи Вадим Чыкайның чогааткан шүлүүн номчуп сонуургаңар.

Нүүрүвүстү судур номчааш арыглап бээр
Нүрзет Эрес Дондук-оглу мөөрейлешкеш,
Кара часпас уран-мерген адыгжы бооп
Карактыгны магададып тиилеп үндү!

Хүрээвистиң сүлде-сүзүүн киискидип,
Хүндүткелдиг төрээн чонун хей-аът киирип,
Кожуунунга үлүг-хуузун киирип чоруур
Кончуг эрес кижи боорга өөрүп чор бис!

Эрзинивис адын бедик тудуп чоруур
Энерелдиг эмчи-домчу башкывыска
Күдүк базып, күштү берип мөгейбишаан
Күзелдери боттанзын деп йөрээп тур бис!