Кызыл хоорайның 19 дугаар «ПрофЛидер» школазынга «Профнавигатор» деп төлевилелдер мөөрейи болуп эрткенин республиканың немелде өөредилге сайзырадыр төвү дыңнаткан.
Тоску классчылар боттарының быжыг билиин, чогаадыкчы чоруун көргүспүшаан, мергежилдер дугайында солун төлевилелдерин таныштырган.
Бирги черде – Долгар Монгуш, ийиги черде – Дан-Хаяа Таргын, үшкү черде – Виктория Бургут.
«Киржикчи бүрүзү мергежилдер делегейинче шымныгып, идепкейлиг киришкени дээш четтиргенивисти илередип тур бис. Ол ышкаш өөреникчилерин белеткээн башкыларны онзалап демдеглевес аргажок» – деп, башкылар бижээн.
Школачылар шилип алган мергежилин хандыр сайгарган болгаш, шыырак белеткелин көргүскеннер. Киржикчи бүрүзү бодунуң төлевилелинче сагыш-сеткилин киирип, онзагай илеткелдерни кылган.
