Бо чылдың Моолдуң улуг Наадымында төөгүде турбаан болуушкун-хүреш мөөрейинге даштыкыдан мөгелер киржири болур.
Тускай чалаткан тыва мөгелерден аңгыда аңаа бурят, калмык болгаш Кыдаттың Иштики Моол автономнуг районундан моол мөгелер база киржир деп турар.
Бүгү Моолдуң Наадымының бүдүүзүнде, Моолдуң эн-не чараш хурештиг Авырга-мөгези Сухбаттың чуртту болур Төв аймактың Сергелең сумузунуң Наадымынга Тываның Арзылаң-мөгези Седен-Очур Кара-Сал шуулгеш, ол сумунуң Чаан-мөгези деп хүндүлүг атты чаалап алган.
Төв аймактан Моолдуң өске-даа шыырак мөгелери үнген болуп турар.
Алдар-аттыг моол мөгелер чурттунга болган суму Наадымының хүрежи Моолдуң улуг Наадымының бетинде үзүүргедиг хүреш болган. Тываның Арзылаң-мөгези аңаа шүглүп кааны-эки им-демдек-тир деп тыва хүрештиң мөгейикчилери болгаш аарыкчылары санап турарлар.
Чуруктарны интернеттен алган