Кожууннарда кышка белеткел ажылдары кидин түлүк. Бии-Хем кожууннуң Аржаан сумузунуң болгаш Чкаловка арбанының тараачын арат ажыл-агыйлары, хууда мал тудуп турар чону 1200 тонна ажыг мал чемин белеткеп алганын чагырга чери дыңнаткан.
Ажыл-агыйларда сиген кезер, бөлер, дүрүп чыыр дээш өске-даа техника бар. Мал чемин четчири-биле белеткеп, сиген-ширбиилди немей курлавырлап алыр дээш, Аржаанның болгаш Чкаловка арбанының ажыл-ишчи чону кызымаккай ажылдап, сиген кезилдезин дооскан.
Аржаанчылар өртке удур дүрүмнерни сагып, мал чемин сиген шыгжаар черлерде курлавырлап алганнар. Сиген белеткээри аар-берге ажыл. Аңаа үе, күш-шыдал, акша-хөреңги хереглеттинер болгай.
