Тываның Перинаталдыг төвүнге республиканың хамааты байдалдың актылар бижидилге эргелелиниң удуртукчузунуң хүлээлгезин күүседип турар Аяна Мижит Балыктыг сумузундан Аржана Самданга чаш уруунуң бир дугаар документизи – төрүттүнген дугайында херечилелди тывыскан.
Тере-Хөл кожууннуң чагырга чериниң төлээлери байыр чедириишкиннеринге катчып, 20000 рубльдиң сертификадын сөңнээн. Буян Чигжит биле Аржана Самдан чеди дугаар кызын Агата деп адап алганнар.
Наталья Меңниг-оол – Тере-Хөл кожууннуң арга-дуржулгалыг херээженнер эмчизи. Ол ССРЭ үезинде-ле Кургуртуг сумузунуң эмнелгезинге ажылдап, дыка хөй чаштарның хин-авазы болган.
Тере-Хөл кожууннуң чагырга даргазының хүлээлгезин күүседип турар Тумен Ховалыг кожууннуң эргим, хүндүткелдиг, ынак «Авазынга» өөрүп четтиргенин илередип, каң дег кадыкшылды күзеп турар.
Республикага үнүп келген чылда бир дугаар чаш уруг – ыраккы Тере-Хөл кожуунга төрүттүнгенин сагындыраал.
«Зорко одно лишь сердце»: путь учителя Виты Тумат
Спокойный голос. Добрые глаза. Мел в руках вместо указки. Она не требует идеальной тишины — просто говорит так, что дети слушают. Вите Тумат тридцать лет.