Республиканың малчыннар байырлалы-Наадымга болгаш Республика хүнүнге тураскааткан спортчу хемчеглер дүүн, август 9-та, Субедей спорт комплекизинде хөл-бөмбүүнге маргылдаа-биле эгелей берген.
Спорттуң команда аайы-биле хевирлеринден хол-бөмбүү Тывада эң сайзыраан оюн болуп турар. Ол дугайында школачылар, элээди оолдар-уруглар, аныяктар, улуг улус, хоочуннар аразында хол-бөмбүүнге суур-суму, кожуун-хоорай, республика чергелиг маргылдаалар үргүлчү, бүдүн чыл дургузунда барык үзүктел чок болуп турары херечилеп турар.
Бо чылдың Наадымга болгаш Республика хүнүнге тураскааткан хол-бөмбүүнге маргылдаада 24 эр, 18 херээжен командалар киржип турар.
Тываның спорт яамызының чүүлүнге үндезилээн
ТР-ниң спорт яамызының чуруктары
