Уран чечен очулганы хөгжүдүп, тыва чогаалдың чаңчылдарын кадагалап арттырып, ону нептередир сорулга-биле 2019 чылдан эгелеп чылдың-на Национал чогаал шаңналынче мөөрей эртип турар.
Уран-чечен чогаал-биле салым-чолун доңнаштырган кижилерге кол болуушкун – Тыва дыл хүнүнде мөөрейниң тиилекчилеринге шаңналды тыпсыры чаңчыл апарган.
Бо чылын октябрь 27-ге чедир чагыгларны хүлээр. Мөөрейже тыва дылда бижиттинген уран-чечен чогаалдарны, тыва дылдан орус дылче база орус дылдан орус дылче очулгаларны база өске-даа дылдардан очулгаларны хүлээп алыр.
Киржикчи бүрүзү 2023-2025 чылдарда парлаттынган, ийиден хөй эвес ажылдарны киирип болур. Дилогиялар, трилогиялар болгаш өске-даа чогаалдарны чаңгыс ажыл кылдыр сайгарып көөр. Чогаалдың хемчээли үш ама саазындан эвээжевес ужурлуг. Ооң мурнунда мөөрейже киирип турган ол-ла чогаалды база катап киирбес.
Мөөрейге киржир дизе, номнуң ийи экземплярын база авторнуң чогаадыкчы кыска допчу намдарын, чогаал дугайында медээни, чогаалды идип үндүргениниң чылдагаанының дугайында чагааны киирер. Бир эвес чогаалды автор саналдаваан болза, чогаалчының сонуургалдарын камгалаан бижимел чөпшээрелин киирери албан.
Мөөрейниң тиилекчилери Россияның чоннарының мөзү-бүдүжүн болгаш угаан-медерелин кадагалап арттырарынга, уран-чечен очулганы хөгжүдеринге, аныяк чогаалчыларны болгаш уруглар чогаалын деткииринге, ол ышкаш тускай шериг операциязының маадырларының дугайында төөгүлүг сактыышкынны кадагалап арттырарынга киирген үлүг-хуузу дээш, мөөрейниң тиилекчилеринге 60 муң рубль шаңналды тыпсыр.
Мөөрейже ажылдарны Тыва Республиканың Националдар херектериниң талазы-биле агентилелинге хүлээп алыр: Кызыл хоорай, Калинин кудумчузу, 1Б, кабинет 300. Мөөрейниң дугайында тодаргай медээни 8 (39422) 6-00-62 дугаарлыг телефондан билип ап болур.
