«Айыыл чок болгаш шынарлыг автомобиль оруктары» национал төлевилел-биле регион база муниципалдыг оруктарның ниитизи-биле 30,4 километр хире хемчээлдиг 13 участоктарын 2022 чылда септеп-селиир. Ооң 11,1 километрде сес участогу Кызылдың оруктарынга хамааржыр.
Тудуг сезону келбээнде-ле, 13 объектиниң керээлерин чарган, ам ында ажылдар эгелээнин ТР-ниң Орук-транспорт яамызы дыңнаткан. Акшаландырыышкынның ниити түңү 933,8 сая рубль, республика бюджединден 744 сая рубльди үндүрер.
Ноябрьның 1-ге чедир шупту ажылдарны доозарын планаан. Ынчан регион оруктарының негелдеге дүгжүп турары 49,4 хуу чеде бээр. А Кызыл хоорайның орук четкизинде ол негелде 70 хуу апаар.
Национал төлевилел планы-биле 2025 чылга чедир Тываның кол автооруктарында 286,2 километр черниң 85 хуузун, азы 237,4 километрин чаа стандарттарга дүүштүр кылып доозар. Амгы үеде 131,2 километр орук стандарттарынга дүгжүп турар.
#Айыылчокболгашшынарлыгавтомобильоруктары #Националтөлевилел #Орук_транспортяамызы #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
