Нарын суурнуң аныяктарынче теннис столдарын чоруткан

Эрзин кожууннуң ырак-узак Нарын суурунуң аныяктарының дилээ-биле Тыва Республиканың Дээди Хуралының Даргазы Кан-оол Даваа биле күрүне болгаш хөй-ниити ажылдакчызы, СЭКП рескомунуң бирги секретары чораан Григорий Ширшин ийи теннис столун саткаш, чорутканнар.

Нарын суурнуң Аныяктар чөвүлелиниң төлээзи Белек Бар-оол дыка херек белектери дээш удуртукчуларга өөрүп четтиргенин илереткен. Ук суурнуң аныяктары хостуг үезинде стол теннизинге маргылдааларны эрттирерин дыңнаткан.