“Көдээ черлерниң комплекстиг хөгжүлдези” күрүне программазын Чурттуң Президентизи Владимир Путинниң даалгазы езугаар ажылдап кылган болгаш амыдыралда боттандырып турар.
Күрүне программазының акша-хөреңгизи-биле Эрзин кожууннуң Нарын сумузунда «Хүннээрек» уруглар садының немелде 30 олуттуг ясли корпузун тудуу доозулганын чагырга даргазының албан-хүлээлгезин күүседип турар Түрген Сагды дыңнаткан. Ам чагыткан дериг-херекселди эккеп, эптеп тургузары арткан.
– 2024 чылда “Көдээ черлерниң комплекстиг хөгжүлдези” күрүне программазының угланыышкыннарының бирээзи-биле бистиң республика Эрзин – Нарын автоорук септелгезинче федералдыг акшаландырыышкынны алыр – деп, Түрген Сагды медеглээн.
Школа назыны четпээн чаштарның оран-савазын бичии нарынчылар четтикпейн манап турарлар.
Нарында 30 олуттуг ясли корпузунуң тудуу доозулган
18 января 2024
0