Үндүрүг албан чери-биле кады ажылдажылга

Тывага "Ада-чурттуң камгалакчылары" регион фондузу биле Федералдыг үндүрүг албан чериниң эргелелиниң аразында кады ажылдажылга дугайында дугуржулгага ат салган.

Дугуржулга езу¬гаар тускай шериг операциязының хоочуннарынга болгаш да¬йынчы хөделиишкиннерниң үезинде амы-тынындан чарылган дайынчыларның өг-бүлелеринге үндүрүг айтырыгларының талазы-биле дузаны чедирер. Мындыг чергелиг документиге Федералдыг үндүрүг албанының эргелелиниң, республикада Күрүне фондузунуң удуртукчулары Алдын-Херел Кара-Сал биле Мерген Кызыл-оол олар ат салганнар.

Дайынчы хөделииш¬киннерниң хоочуннары болгаш инвалидтери, аңаа мөчээн шериг албан-хүлээлгелиглерниң өг-бүлелери бир шимчевес өнчүге хамаарыштыр эт-хөреңги үндүрүүн төлээринден хостадыр. Оларны 150 чедир аът күштүг транспорт хөлгезиниң транспорт үндүрүүнүң төлээринден база хостаар. Бир чер участогунуң 600 дөрбелчин метр шөлүнге кадастр өртээниң хемчээлинге чер үндүрүүнүң талазы-биле үндүрүг баазазын эвээжедир.

Амгы үеде тускай шериг операциязының киржикчилериниң болгаш хоочуннарының өг-бүлелериниң дыка хөй кежигүннериниң холунда бүзүредилге документилери бар. Аңаа дүүштүр өг-бүлелерниң адаларынга азы оолдарынга хамаарыштыр үндүрүг угуулгаларын болгаш үндүрүг эгидилгезин дүрген долдуруп ап болур.

Тускай шериг операциязының киржикчи¬лериниң болгаш хоочунна¬рының аразында хуу сайгарлыкчылар база бар. Федералдыг үндүрүг албанының Тыва Республикада эргелели оларга хамаарыштыр торгаал онаалдазын ара соксаткан. Тускай шериг операциязының киржикчилери болуп турар организацияларга үнүүшкүннүг хыналдалар чорударын база ара соксаткан.