Мөренниң көдээ ном саңы «Культура» национал төлевилелинге киришкеш, 2020 чылда долузу-биле чаартынган. Амгы үении-биле дериттинген үлегер-майыктың ном саңында эргелекчи биле библиотекарь ажылдап турар.
Библиотекарь Лидия Анзай ном саңы – мөренчилерниң ынак культурлуг дыштанылга чери апарганын демдегледи. Номчукчулар номну келгеш бижидеринден аңгыда, ооң электроннуг хевирин база бижидип алыр аргалыг.
Сумунуң улуг, биче чурттакчыларындан аңгыда ыраккы аалдардан малчыннар номнарны бижидип ап, номчаанын дужаар дээш ном саңынче күзелдии-биле кээп турарын Лидия Анзай чугаалады. Номчукчулар ном саңынче кирип келгеш, хоорайларда дег дериттингенин онзалап демдеглеп турарлар.
Ном саңы – мөренчилерниң ынак чери
6 апреля 2023
27