К. И. Чуковский аттыг уругларның ном саңында Наадым байырлалынга тураскааткан «Наадым – малчыннарның байырлалы» деп номнар делгелгезин белектээнин ном саңы дыңнаткан.
Наадым – тыва улустуӊ шагдан тура, онза-солун, чараш байырлалы. Ол дээрге өгбелерден дамчып келген көшкүн амыдыралдыӊ чаагай чараш чаӊчылы. Мал-маган азырап чоруур ишчи чоннуӊ ажыл-агыйын бедик үнелээниниң демдээ.
Малчыннарның национал байырлалынга албан болур мөөрейлери – хүреш, аът чарыжы, ча адары, тергиин эки өгнү илередири, эң эки национал хепти болгаш аъттарныӊ каасталгазын илередири.
Наадымны Тывага 1922 чылдан тура, Тыва Арат Республиканың тургустунганындан бээр, демдеглеп эгелей берген. Тываның Совет эвилелинге турган үезинде байырлалды эрттирерин хоруп каапкаш турган, 1993 чылда чоннуң байырлалын катап эгиткен.
Делгелгеде мал-маганны канчаар азырап өстүрериниң дугайында дээш оон-даа өске мал ажылынга хамаарышкан материалдарны, номнарны бараалгаткан. https://vk.com/tmgnews17?from=...