Бии-Хем кожууннуң Аржаан сумузунуң чагырга чериниң ажылдакчылары, мал эмчизи көдээ ишчилер-биле харылзааны доктаамал тудуп, оларның аалдарынга чедип турар.
Бо удаада “Кыштаг” төлевилелиниң 2020 чылдың киржикчилери – Айдаш биле Азиана Ойдуптарга четкен. Өгбелеринден салгал дамчаан ажыл-ижин уламчылап турар малчыннар сиген курлавырын четчир кылдыр белеткеп алган болгаш малының деңгели шыырак. Айдаш Ойдуптуң ачазы, төрелдери аңаа дузалажып турарлар.
Кыштаглаашкын онча-менди эртип турарын суму чагырга чериниң удуртулгазы дыңнаткан. Ойдуптарның өг-бүлези мал оолдаашкынының кампаниязынга белеткенип эгелээн.
Мал ажылының кайы-даа үези чымыштыг, ылаңгыя чазын. Ынчан көдээ ишчилер олут орбас, чыдын чытпас. Кол-ла сорулга – малдың чаш төлүн онча-менди камгалап алыры.
#Бии_хемкожуун #Аржаан #Кыштаг #ТМГМедээлер #Тыва #Тывамедээ #Тывадыл #Тывамедиагрупп #Тува