Бии-Хем кожууннуң Аржаан сумузундан “Кыштаг” төлевилелиниӊ 2020 чылда киржикчилери Айдаш биле Азиана Ойдуптарның аалында малды санап, демдектеп турарын сумунуң чагырга чери дыңнаткан.
Ойдуптар ийи чыл иштинде малының баш санын өстүрүп, ийи чүс төрүүр хойну дамчыдарынга белен.
Аныяк малчыннар өгбелеринден салгал дамчаан ажыл-ижин уламчылаар изиг күзелин илереткен. Кызымаккай өг-бүлени аржаанчылар деткип, чоннуң чыыжынга шилип алган.
Кожууннуң көдээ ажыл-агый эргелелиниң болгаш сумунуң чагырга чериниң ажылдакчылары, мал эмчилери шээр малды санап, демдектеп, дамчыдарынга белеткел ажылдарын чоруткан.
#Бии_хемкожуун #Аржаан #Кыштаг #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
