Он ийи метр узун көвүрүгнү тудар

Чаа-Хөл кожууннуң Кызыл-Даг сумузунга удавас түр кежиг тудары-биле ажылдар эгелээр.

Кожууннуң чагырга чери ТР-ниң Орук-транспорт яамызы-биле дуругжулгага атты салган. Сумунуң төп кудумчузунда эргижирээн көвүрүгнүң орнунга 12 метр узун чаа көвүрүгнү тудар.

“Улусчу көвүрүг” төлевилел езугаар туттунар көвүрүг кежии-биле хөй санныг малчын турлагларже, одар-белчиирже, сиген кезер черлерже таарымчалыг орук ажыттынар.


Орук-транспорт яамызы төлевилелдиң негелдези езугаар Орук фондузунуң акша-хөреңгизи-биле кежиглер тудар ыяшты садып алырынга дузалажыр. Чедери берге черлерде малчын коданнарже, «Кыштаг», «Чаа сорук» төлевилелдерниң киржикчилеринче орук-суурнуң чедингирин көвүрүг кежиглер хандырар ужурлуг.