Ондар Аян-оол Александрович 1979 чылда Өвүр кожууннуң Солчур суурга төрүттүнген. Хостуг хүрешке Россияның делегей чергелиг спорт мастери. 2002 чылда Красноярск хоорайга Иван Ярыгин аттыг Гран-при турниринге хүлер медальды чаалап алган. Ол-ла чылдың июнь айда Якутск хоорайга, финалда Заур Ботаевти тиилээш, 66 кил чедир деңзилиг мөгелер аразынга Россия чемпиону болган. 2002 чылдың сентябрь айда Россияның делегей чергелиг спорт мастери атты аңаа тывыскан.
2003 чылда Иван Ярыгин аттыг Гран-При турниринге база катап хүлер медальды чаалап алган.
2005 чылда Ташкент хоорайга Россияның чыынды командазы-биле Делегей кубогунуң эдилекчизи болган.
Хостуг хүрешке улуг мөгелер аразынга Россияга сөөлгү катап чемпионнаан тыва мөге.
#ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
