Август 14-те Кызылга Тыва Арат Республиканың ССРЭ-ниң составынче киргенинден бээр 80 чыл оюнга тураскааткан регионнар аразының III орус культура фестивалы болуп эртер.
Тывада орус культура фестивалы аалчыларны болгаш киржикчилерни манап турар. Тываның «Раздолье», Каа-Хем кожууннуң «Сибирячка», Кызыл кожууннуң «Забава», «Верховье», «Берегиня» дээш, оон-даа өске улусчу бөлүктер фестивальга киржирин бадыткаан.
Енисей Сибириниң регионнарындан Красноярск крайның Курагино болгаш Усинск хоорайлардан чогаадыкчы каттыжыышкыннар чедип кээр ужурлуг. Өске бөлүктерден киржир дугайында чагыгларны ам-даа хүлээп ап турар.
Викториналар болгаш оюннарлыг улуг хөглээшкин программазы, «Ызыгуурлуг төрел аймак» өрегелер мөөрейи, тус черниң бүдүрүкчүлериниң болгаш улусчу ус тывыш база ус-дарганнаашкын уран чүүлүнүң «Көдээ өреге» деп делгелге-садыглаашкыны фестивальга келген аалчыларны болгаш көрүкчүлерни манаар.
Блины быжырарынга, дойдан кылыглар, дүктен биче ойнаар-кыстар, хол-биле лаалар кылырынга, дүктен идик-хеп болгаш ойнаарактар аргыырынга, улустуң самнарынга болгаш өске-даа билиглерге мастер класстарны эрттирер.
Орус культура фестивалы аалчыларны болгаш киржикчилерни манап турар
13 августа 2024
24