«Улустуң участок шагдаазы – 2022» деп бүгү-российжи мөөрейниң Тывада тиилекчизин тодараткан. Чоннуң бадылаашкынының түңнели-биле, Россияның Тыва Республика талазы-биле иштики херектер яамызының «Барыын-Хемчик» МТ 5 биле 6 дугаарлыг административтиг участоктарында полицияның бүрүн эргелиг участок шагдаазы, полицияның капитаны Орлан Күжүгет эң хөй үннү алган.
Орлан Владимирович Тыва Республиканың иштики херектер органнарында сес чыл ажыг участок шагдаалап турар. 2014 чылдан бо үеге чедир полицияның бүрүн эргелиг участок шагдаазы албан-хүлээлгени ол күүседип турар.
Республиканың Барыын-Хемчик кожуунунда 4900 ажыг чурттакчылыг Кызыл-Мажалык суур – административтиг участок Орлан Күжүгеттиң хайгааралында. Ол ында ажылдааш беш чылдың нүүрүн көре берген.
“Улустуң участок шагдаазы” мөөрейниң регион чадазының тиилекчизи Тыва Республиканы бүгү-российжи мөөрейге төлээлеп, чурттуң “Улустуң участок шагдаазы” деп бедик ат дээш демисежир.
Россияның Иштики херектер яамызында чурттуң “Улустуң участок шагдаазы” XII бүгү-росийжи мөөрейниң түңнел чадазы ноябрь 1-де эгелээн. Интернетте социал четкилерде боттарының арыннарындан “Народный участковый – 2022” мөөрей арынынче киргеш, “Россияның тулган дээн полиция шагдаазы” дээш чаңгыс чер-чуртуувуска үнүңерни берип, бадылаарын утпаңар.
Бадылаашкын ноябрь 11-де доостур. Тиилекчилер ноябрь 17-де илереттинер.
Подростки в Туве смогут зарабатывать на карманные расходы в свободное время
Минтруд Тувы сообщил, что подростки в возрасте 14–18 лет смогут заработать на карманные расходы в свободное от учебы время.