Өөредилге программазынче билдириишкиннер хүлээп турар «Профессионалитет» федералдыг төлевилелдиң хүлээп алыышкын кампаниязының ажылы кидин түлүк үезинде дээрзин ТР-ниң Өөредилге яамызы дыңнаткан.
"Профессионалитет" федералдыг төлевилел программазы-биле 490 бюджеттиг олутту тускайлаан. Сентябрь 1-ден эгелеп, Тываның агроүлетпүр техникуму өөредилгени сес аңгы «Профессионалитет» программазы-биле эгелээр дээрзин сагындыраалы.
Студентилерниң практиктиг белеткели төлевилелдиң киржикчилериниң бүдүрүлгелеринге болгаш организацияларынга, өөредилгениң эге хүннеринден эгелээш, ажылче тургустунарынга чедир, боттандырар.
Тос болгаш 11 класстарның доозукчуларын дараазында мергежилдерже чалап турар:
- Көдээ ажыл-агый аъш-чемин болбаазырадыр технология;
- Көдээ ажыл-агый аъш-чемин кылыр технология;
- Көдээ ажыл-агый техниказын болгаш дериг-херекселин септээр база ажыглаарының талазы-биле мастер;
- Агрономия;
- Үнүш өстүрериниң эртеми;
- Көдээ ажыл-агый бүдүрүлгезиниң мастери;
- Арга болгаш арга парыгының ажыл-агыйы;
- Арга ажыл-агыйының мастери.
Ол ышкаш «Профессионалитет» программазы-биле дараазында техникумнарга өөренип болур: Кызыл хоорайда Тываның көдээ ажыл-агый техникуму, Сарыг-Сеп суурда Тываның агротехнология техникуму, Чадаана хоорайда Тываның технология техникуму.
Бир эвес шилилгени кылып алган болзуңарза, силерни билдириишкин болгаш чогуур документилериңер-биле манап турар.
Республиканың хүлээп алыышкын кампаниязы Кызылдың транспорт техникумунуң баазазында ажылдап турар. Ол ышкаш билдириишкиннерни техникумнарның боттарынга база дужаап болур. Айтырыгларны дараазында телефон дугаарындан тодарадып ап болур: 6-11-45.
