Психологтуг айыыл чок чорук айы эгелээн

Республиканың өөредилге адырында психологтуг айыыл чок чорук болгаш кадыкшыл айы эгелээнин ТР-ниң Өөредилге яамызы дыңнаткан.

Тываның өөредилге албан черлеринде февраль 27-ден эгелеп, уругларның болгаш элээдилерниң амыдыралга турумун бедидеринге байдалдарны тургузарынче, сагыш-сеткил дүвүрелин болдурар таварылгаларны ажып эртериниң талазы-биле курлавырлар тыварынче угланган психологтуг айыыл чок чорук болгаш кадыкшыл айы эгелээн.

Айның иштинде сеткил-сагыш хайныышкынының делегейинче солун аян-чоруктар, оюн-тоглаалыг тренингтер, сонуурганчыг квестер, ол ышкаш бойдус үнүнүң үделгези-биле релаксация планнаттынган.

Ада-иелерге ада-иениң дээштиг болурунче угланган аңгы онлайн-практиктиг кичээлдерни эрттирер. “Сайзырал” регионалдыг төптүң мергежилдиг специалистери социал четкилерге нарын темаларга “дорт дамчыдылгаларны” эрттирер.

Психологтуг айыыл чок чорук айы март 31-де доостур.