Тывада он муң ажыг өөреникчи болгаш студенти пушкин картазын ажыглап турар. Оларның барык 80 хуузу Рязань облазының күрүнениң Элээди көрүкчүлер театрының “Анна Снегина” деп шиизин сонуургап көргеннер.
Күрүне чылдың-на январь 1-де, программа ажыглакчызы аныяк кижи 23 хар четкижеге чедир, пушкин картазынче акшаны шилчидер. Ук акша-хөреңги-биле музейлерде, театрларда, кинотеатрларда, филармонияларда болуп турар солун оюн-көргүзүглүг хемчеглерни база делгелгелерни көрүп болур.
Национал хөгжүм-шии театры, Тываның күрүне филармониязы, Тыва үндезин культура төвү, Тываның күрүнениң ойнаарактар театры, Алдан-Маадыр аттыг Национал музей, Политиктиг шаажылалдар төөгүзүнүң музейинде хемчеглерже билеттерни садып турар. Чыл төнчүзүнге чедир программада коштунган албан черлериниң санын 65 чедирери көрдүнген.
Күрүнениң картаже шилчиткен акшаны чыл төнчүзүнге чедир чарыырын сагындыраал. Пушкин картазы-биле чүгле чурттап турар регионунда эвес, Россияга аян-чорукчулап чорааш, хемчеглерни көрүп болур.
«Пушкин картазы» федералдыг программа эрткен чылдың сентябрь 1-ден Россияда ажылдап эгелээнин сагындыраал. Программага киржир дизе, Күрүне ачы-дузазының порталынга бүрүткеткеш, даңзы бижимелин долдургаш, «Госуслуги. Культура» капсырылганы киирип, пластик азы виртуалдыг картаны алыр. Капсырылгада афишаны көрүп алгаш, билетти садып алыр.
В Туве прошла церемония награждения муниципальных работников
Сегодня на сцене Национального театра им. Виктора Кок-оола прошла церемония награждения представителей органов муниципальной власти в честь Дня местного самоуправления – профессионального праздника с…