Үр үеде шиитпирлеттинмейн турар айтырыгларны чугаалашкан

Өвүр кожууннуң чагырга даргазының хүлээлгезин күүседип турар Айдыс Куулар Саглы сумузунче ажылчын үнүүшкүннү кылган.

– Саглы сумузунуң ниити овур-хевирин экижидер ажылдарны чорудары-биле, суму чагыргазының удуртулгазынга база чонунга ужуражып четтим. Суурда ээн кагдынган бажыңнарны, черлерни база таваа арткан оран-саваларны көрүп, үр үе иштинде шиитпирлеттинмейн турар айтырыгларны көдүрүп чугаалаштывыс.

Социал объектилерниң даргалары-биле база ужураштым. Суурнуң ниити овур-хевирин үреп турар черлерни септеп-селип азы шуут аштап арыглаар кылдыр ажылдарны чорударын шиитпирледивис.