Тываның Чазаанга Национал төлевилелдер талазы-биле комитеттиң хуралынга «Үре-түңнелдиг болгаш чижилгелиг экономика» нацтөлевилелдиң күүселдезин экономиктиг хөгжүлде болгаш үлетпүр сайыдының бирги оралакчызы Снежана Ховалыг илеткээн.
ТР-ниң Экономиктиг хөгжүлде болгаш үлетпүр яамызы «Үре-түңнелдиг болгаш чижилгелиг экономика» национал төлевилелдиң хемчеглерин боттаныышкынын харыылап турар. Национал төлевилел шугуму-биле «Биче болгаш ортумак сайгарлыкчы чорук болгаш хууда сайгарлыкчы эгелээшкиннерни деткиири» база «Күш-ажылдың бүдүрүкчүлүү» деп ийи регионалдыг төлевилелдерни албан чери боттандырар. Бирги төлевилелде бүдүрүлге шөлдеринче база үлетпүрлүг бүдүрүлге парктарынче чиигелделиг болгаш магадылалдыг ачы-дуза-биле микрочээлилерни бээр кылдыр, биче болгаш ортумак сайгарлыкчы чорук субъектилеринге саң-хөө болгаш саң-хөөге хамаарышпас деткимче хемчеглерин бээри көрдүнген.
Айыттынган төлевилелдерниң регионалдыг администратору, экономиктиг хөгжүлде болгаш үлетпүр сайыдының бирги оралакчызы Снежана Ховалыг национал төлевилел күүселдезин хандырар регионалдыг төлевилелдер талазы-биле ажыл-чорудулга план езугаар чоруп турарын дыңнаткан. Биче болгаш ортумак сайгарлыкчы чорук субъектилеринге немелде акша-хөреңгини хаара тударынче 0,09 млрд. рубль түңнүг магадылалдыг деткимчени көргүскен, чиигелделиг негелде-биле 39,43 сая рубль чээли акша-хөреңгизин үндүрген.
«Күш-ажылдың бүдүрүкчүлүү» төлевилел езугаар бүдүрүлгелерде күш-ажылдың бүдүрүкчүлүүн бедидер, бүдүрүлгеге хумагалыг чорукка өөредир, ол ышкаш ажылдап турар кижилерниң диспансер хайгааралының санын көвүдедиринче угланган хемчеглер эртип турар. Бо чылын бүдүрүлгелерниң болгаш организацияларның 120 ажылдакчызынга хумагалыг бүдүрүкчү аргаларны өөредири планнаттынган.