Амгы үеде интернет, социал четкилер таварыштыр уруглар орус болгаш өске-даа дылдарда медээлер, кино, мультфильмнерни хөйү-биле көрүп турар. Ооң-биле чергелештир чаштарның орус дылга чугаазы үнүп, төрээн дылын билбес уругларның көвүдеп турары чидиг айтырыгларның бирээзи апарган.
Национал школа хөгжүдер институттуң тыва филология лабораториязының эргелекчизи Виктория Монгуш, биче эртем ажылдакчызы Чочагай Хомушку база кол редактор Людмила Ооржак Zоом таварыштыр Россияның эртемнер академиязының Дыл Эртеминиң Институдунуң Россияның дылдарын кадагалаар, диргизер, бижип арттырар эртем төвүнүң удуртукчузу, филология эртемнериниң кандидады Аржаана Сюрюннюң башкарып эрттиргени солун ужуражылгага киришкенин институт дыңнаткан.
Аңаа амгы үеде уругларның сонуургап турар мультфильмнерин Россияның чоннарының төрээн дылдарынче очулдурар ажылды чорудуп турар эртем ажылдакчызы болгаш дыл талазы-биле идепкейжи Василий Сергеевич Харитонов база шинчилекчи, дыл талазы-биле идепкейжи Артем Федоринчик делгереңгей тайылбырны чорутканнар.
Ужуражылга үезинде Национал школа хөгжүдер институт Кызыл хоорайның 2 дугаар школазынга 2020 чылда «Үш диис» деп мультфильмни тыва дылче очулдурар мөөрейни эрттирген дуржулгазын таныштырган. Мультфильмниң сөзүглелин тыва дылче очулдуруп, ооң үнүн рольдар аайы-биле бижидери, монтажтап кылыры уругларның чогаадыкчы чоруун оттуруп, төрээн дылынга сонуургалын бедидер аргаларның бирээзи болганын демдеглээннер.
Институт «Тыва дыл – чаштарга» деп төлевилел-биле школа назыны четпээн уругларга 20 сериялыг өөредиглиг мультфильмнерни үндүргенин база сонуургаткан. Ужуражылга үезинде эртем ажылдакчылары тыва дылче очулдуруп болгу дег мультфильмнерни сүмелеп, боттарының байлак арга-дуржулгазы-биле үлешкеннер.
В Туве прошла церемония награждения муниципальных работников
Сегодня на сцене Национального театра им. Виктора Кок-оола прошла церемония награждения представителей органов муниципальной власти в честь Дня местного самоуправления – профессионального праздника с…