Сүт-Хөл кожууннуң Черлиг-оол Куулар аттыг төп ном саңынга “Уран чогаалдың салым чаяанныглары – сүт-хөлчүлер” деп чогаалче аян-чоруку эрттиргенин ном саңы дыңнаткан.
Бүгү делегейниң чогаалчылар хүнүнге тураскааткан хемчегге Суг-Аксы ортумак школазының 7-ги классчылары киржип, Сүт-Хөл чурттуг билдингир чогаалчыларның шүлүктеринге ыыткыр номчулгага идепкейлиг киришкеннер.
Тываның улустун чогаалчылары А. А. Даржайның, Ч. Ч. Кууларның, Е. Т. Танованың, А. Х-О. Ховалыгның, чогаалчы Р.Ч. Ховалыгның шүлүктерин уруглар аянныг номчаан. Ол ышкаш Ч.Д. Ондарның, Б.С. Ондарның, К.И. Ондарның, Б.Ч. Ондарның, О. Дамба-Хуурактың чогаалдарын, допчулалды чурт-шинчилел килдизиниң библиотекары О.К. Конзай-оол таныштырган.
Ном саңы Суг-Аксы ортумак школазының башкызы Ч.И. Күжүгетке шүлүк чогаалы-биле холбашкан аян-чорукту кады демниг эрттиржип киришкени дээш, четтиргенивисти илереткен.
