Тываның Баштыңы Владислав Ховалыг ээлчеглиг аппарат хуралының соонда, социал четкиде бодунуң блогунга дараазында чүүлдү демдеглээн.
– Бо удаада аппарат хуралынга кыштаглаашкын дугайында чугаалаштывыс. Агаар-бойдус баксырап, үзүк-соксаал чокка хар чаап, хадаанының түңнелилинде, Тываның барыын кожууннарында байдал нарыыдаан.
Мөңгүн-Тайга болгаш Бай-Тайга кожууннарда оруктарны үргүлчү аштап турар. Тываның чедери берге кожууннарында ниитизи-биле 534 малчын турлаг бар. Ол дээрге ниити сан-чурагайның 16 хуузу болуп турар. Эң-не хөй кыштаглар Чөөн-Хемчик, Кызыл болгаш Эрзин кожууннарда.
Бо берге үени канчаар ажып эртери малчыннардан дыка хамаарылгалыг. Ынчангаш чогуур хемчеглерни үе-шаанда удаа-дараа чорудары чугула. Мал бажының чидириин болдурбазы-биле, январь 27-ге чедир республиканың курлавырындан мал чемин үндүр сөөртүп, кыштагларга чедирери планда көрдүнген. Ынчангаш мал эмчилери, фельдшерлер, библиотекарьлар бөлүк-бөлүк болуп алгаш, малчын турлагларже, ылаңгыя чедери берге кыштагларже, үнүүшкүн кылыр дээн саналды деткип тур мен.
Март 1-ге чедир мал оолдаашкынының үезинде малчыннарны хайгаараарап, кичээнгейге алыры кончуг чугула.
Сайыр-Даш Середар: «Очень благодарны Президенту, что сделали проект «Время героев»
«Время героев» - программа развития для участников специальной военной операции.