Тыва дыл хүнүнге уткуштур чарлаттынар шалыпчы айның улуг хемчеглериниң иштинден республиканың уруглар садтарының аразынга «Тыва дылдың тергиин кабинеди» болгаш школалар аразынга «Тыва дыл болгаш чогаалдың тергиин кабинеди» деп республика чергелиг мөөрейлерниң эгелээнин Национал школа хөгжүдер институт дыңнаткан.
Мөөрейлерге хамаарышкан тус-тус дүрүмнерни кожууннарның болгаш хоорайларның өөредилге килдистеринче Национал школа хөгжүдер институт бөгүн тараткан. Өөредилге яамызының сайыдының дужаалы-биле бадылаан мөөрейлерниң дүрүмнерин Национал школа хөгжүдер институттуң сайтызындан база көрүп болур.
Мөөрейлерниң тиилекчилери (ортумак школалардан бир тиилекчи, уруглар садтары аразындан бир тиилекчи) болган кабинеттер амгы үениң интерактивтиг панельдерин тус-тузунда шаңнал кылдыр алыр. Мөөрейниң түңнелдери-биле 2-ги болгаш 3-кү чергениң тиилекчилерин база шаңнаары көрдүнген.
Кызылский транспортный техникум отметил 60-летний юбилей
60 лет исполнилось Кызылскому транспортному техникуму.