К.И. Чуковский аттыг уругларның ном саңынга «Боттарының холдары-биле кылган номчугаштар» деп мөөрей болуп эрткенин ном саңы дыңнаткан.
Ном саңы 55 чыл оюнда чеди хардан 17 харга чедир кадыкшылының байдалы-биле харык-шинээ кызыгаарлыг уругларны деткип, оларның чогаадыкчы чоруун сайзырадыры-биле хемчегни эрттиргени бо.
Мөөрейге кирген ажылдарның аразында тыва дылга тураскааткан номнар бары онзагай болганын ном саңының ажылдакчылары демдеглээн.
Уруглар төрээн дылынга, культуразынга ынакшылын тодазы-биле илереткен. Номнарның арын болгаш чурук бүрүзү чонунуң езу-чаңчылдарының онзагай талаларынга ханы хүндүткелди көргүзүп турар.