Тывага киберспортка бир дугаар республика чергелиг чемпионат болуп эрткен. Аңаа 56 команда киришкен. Калинградтан Улан-Баторга чедир киржикчилерниң ниити саны – 360 кижи. Киберспортта колдуунда 30 хар чедир аныяктар киржип турар.
Чемпионат Тываның Киберспорт федерациязы, ТР-ниң Аныяктар херектериниң талазы-бие агентилел болгаш ТР-ниң Спорт яамызының деткимчези-биле Кызылдың төп киберспорт ареназынга эрткен.
Ниити шаңнал фондузу 100 муң рубль дээш #CSGO оюнга – 24 команда, #DOTA2 оюнга – 33 команда ойнаан. Түңнелинде, #CSGO деп оюнга командалар арзынга бирги черни – “Мөгелер”; ийиги черни – "Red_Night_RE"; үшкү черни – "Svastonyy" алган.
#DOTA2: бирги черге – "Heaven"; ийиги черге – "Smoke enjoyers"; үшкү черге – "Winx?" төлептиг болган.
Ол ышкаш #CLASHROYALE оюнга Валерий Куулар тиилекчи болган. Начын Иргит ийиги черни, Шораан Өлзей-оол үшкү черни чаалап алганнар. #STARCRFATII оюнга Валерий Куулар тиилээн. Антон Седен ийиги черге, Саян Чамзырын үшкү черге төлептиг болганнар.
Чемпионаттың шыырак киржикчилеринден Тываның чыынды командазын тургускан. Олар апрель 29-та болур 2023 чылдың Россия Чемпионадынга Сибирь федералдыг округтуң шилиндек командаларының аразынга Тываны төлээлеп киржир.
Делегейде улуг сайзыралды алган компьютер оюннары спорттуң бир хевири апарган. Киберспорт мргылдаазы интернет четкизи таварыштыр болуп турар болганда, бөмбүрзектиң кайы-даа булуңундан командалар аңаа киржип болур.
В Дзун-Хемчикском районе устанавливаются обстоятельства крупного ДТП
В районный отдел ГИБДД поступило сообщение о том, что на 1021 километре автодороги Р-257 «Енисей» произошло дорожно-транспортное происшествие – столкновение двух транспортных средств.