Каяа эптигил, аңаа бадыла: Россия Президентизиниң соңгулдаларында Тываның чурттакчылары Россия Федерациязының кайы-даа булуңунга чорааш, "Мобильдиг соңгукчу" төлевилелди ажыглап, соңгуп болур.
Бир эвес киир бижиткен черинге соңгууру болдунмас болза, январь 29-тан март 11-ге чедир паспорттуг келгеш, соңгукчу кижи ол үеде турар чериниң аайы-биле бадылаарының дугайында билдириишкинни киирер.
Шак ындыг пунктулар бүгү Тывада 19 девискээр соңгулда комиссияларның баазазынга, хөй ажыл-чорудулгалыг төптерниң 19 салбырларынга ажылдаар. Соңгулда хүннеринде соңгукчу кижи турар чериниң аайы-биле кайы участокка бадылап болурун тайылбырлап бээр.
Күрүне ачы-дузаларының порталы таварыштыр, 2024 чылдың марттың 11-ниң 24.00 шакка чедир, онлайн билдириишкинни база киирип болур.
Ол ышкаш бүгү республикада 187 участок соңгулда комиссиялары марттың 6-тан 11-ге чедир билдириишкиннер хүлээп ажылдаар.
Россия Президентизиниң соңгулдалары – 2024
23 января 2024
32