Россияның Экспорт төвү (РЭТ, ВЭБ Группа) «Мээң экспортум» чурагай шөлүнде «Экспорт дузалакчызы» деп чаа халас ачы-дуза сервизин ажыткан. Бо шөл российжи бизнестиң кол дилээнге дорт харыы-дыр: хөй үе негеттинер турган хөй санныг бөлүк күрүне болгаш партнер деткимче хемчеглериниң аразында навигацияны чиигеткен.
Экспортерларның деткимче хемчеглерин башкарарының аргазын үндезини-биле өскертир угаанныг чурагайлыг дузалакчы кылдыр «Экспорт дузалакчызы» ажылдаар. Ол компанияның экспорт деңнелинге болгаш ооң продукциязының онзагайларынга даянып алгаш, сайгарылгазы болгаш сертификат бээринден эгелээш, логистика болгаш акшаландырыышкынга чедир эң-не таарымчалыг аргаларны дүрген болгаш шын шилип бээр.
Экспортчулар чүгле оларның бизнезинге болгаш экспорттуң тускай сорулгаларынга таарыштырган ачы-дузаларны, автоматчыткан орук картазын ап болур. Оон ыңай, компания бүрүзүнге тускай менеджерни быжыглап бээр, ол оларның бүгү ажыл-чорудулгазынга дузалажыр, чагыгларны шын долдурары, тускай мергежилдиглер-биле харылзажырындан эгелээш, даалгаларның күүселдезин хайгаараар.
Экспортту сайзырадып турар шупту российжи компаниялар бо ачы-дузаны халас ажыглап болур.
«Экспорт дузалакчызы» чаа эгелеп чоруур экспортчуларга идегелдиг чурттарны болгаш экспорт негелделерин айтып бээринге болгаш продукция белеткээринге дузалажыр. А арга-дуржулгалыг компанияларга ажыл-чорудулгазын калбартырынга, логистиканы экижидеринге, болуп болур чүүлдерни эвээжедиринге болгаш чаа рыноктарже үнеринге дузалаар.
Сервисти ажыглаары дыка белен: чүгле «Мээң экспортум» деп шөлчүгешче кирип алгаш, кыска анкетаны долдуруптарга, ынчан система чагыгны онлайн хүлээп алыр боттуң орук картазын тургузуп бээр.
Россияның экспорт төвү – чиг этке хамаарышпас энергиялыг эвес экспортун деткип турар күрүне албан чери. Ол аңгы-аңгы адырларның компанияларынга делегей чергелиг рыноктарже кирериниң бүгү чадаларында акша-хөреңги болгаш акша-хөреңгиге хамаарышпас дузаны көргүзүп турар.
РЭТ бөлүүнүң саналдааны ачы-дузаларның хөй кезии «Мээң экспортум» деп шөлчүгеште онлайн-хевирде салдынган. «Россияга бүдүрген» программаны деткиир болгаш боттандырар кол ажыл-чорудалгаларны РЭТ база харыылап турар.