Бии-Хем кожууннуң Аржаан суурда «Аленушка» уруглар садының кижизиттирикчилери «Россияның бичии эзирлериниң» одуруунче киргенин чагырга чери дыңнаткан.
«Чаш назынның айтыкчылары» федералдыг төлевилелдиң регионалдыг координатору Сергей Лопсан байырлыг хемчегниң киржикчилеринге «Россияның бичии эзирлери» хөрек демдектерин тывыскан.
Аржаан школазынын директорнуң кижизидилге ажылы талазы-биле чөвүлекчизи Ажыкма Тюлюш, төлевилелдиң Бии-Хемде координатору Майдыр Мекпер-оол, уруглар садының удуртулгазы даңгыраан берген школа назыны четпээн уругларга байыр чедирген.
Бичии аржаанчылар «Россияның бичии эзирлериниң» улуг демнежилгениң кежигүннери болган. Уругларга өөрүшкүлүг болуушкун оларга чаа, солун болгаш ажыктыг чүүлдерже эжикти ажыдып турарын чыылганнар демдеглеп турган.
