Россияның Херээженнер эвилелиниң шаңналынга төлептиг

Чогаалчы Нина Эртине – «Эне сөзү» солунга шүлүктерин парладып эгелээн авторларның бирээзи. Солуннуң доктаамал бижикчизи чоокта Россияның Херээженнер эвилелиниң Хүндүлел бижиин алган.

Хөй чагаа бижиир солуннуң идепкейлиг авторун «Кадын» сеткүүлдүң 30 чылы таварыштыр шаңнаарын 21 чыл солун удурткан, авторларынга хумагалыг, оларны үнелээр, деткип келген Артык Ховалыгның өргүүдели-биле Россияның Херээженнер эвилелинче Хүндүлел бижик бээрин дилээн турган. Тываның алдарлыг ажылдакчызы, тыва парлалганың хоочун журнализи Светлана Балчыр база ук шаңналга төлептиг болган.

Эң баштайгы херээжен шүлүкчү Доңгак Барыкаанның 125 харлаанынга тураскааткан шаңналды катап тургузарын бо кыс парлалга юбилейиниң үезинде чон идип үндүрген. Ону «Эне сөзү» солуну тургускаш, шылгарааннарга Барыкаан аттыг чогаал шаңналдың дипломун тыпсып турган.

Тываның улустуң чогаалчызы Доңгак Барыкаан аттыг чогаал шаңналынче идип үндүрген чамдык төлептиглерни шаңнаары манаттынып турарын дыңнаткан.

Москвада чурттап турар тыва чогаалчыларның хуралының шиитпиринге үндезилээш, Улустуң чогаалчызы Артык Ховалыг «Россия» делегей чергелиг делгелге-шуулганның Тываның шөлчүгежинге дипломнарны чогаалчылар Зоя Донгакка «Хамның салым-чаяаны» деп ному дээш, Анна Ламажаага өг-бүле ызыгуурун өөренирин суртаалдаар идепкейи дээш тывысканын сагындыраал.