Кызылдың А. А. Алдын-оол аттыг 2 дугаар школазының чедиги классчыларынга өрт айыылынга хамаарышкан практиктиг кичээлди эрттиргенин республиканың немелде өөредилге сайзырадыр төвү дыңнаткан.
Школаның башкызы Буян Бора-Тараа «Өрт өжүрериниң бирги херекселдери» темага 7 «а» класстың өөреникчилеринге өрт өжүрериниң бирги херекселдерин шын ажыглаарын өөреткен.
Кичээлдиң кол сорулгазы – чүгле теоретиктиг билиглерни өөренир эвес, а онза байдалдарда амы-тынны камгалап болур боттуг арга-дуржулганы катаптаары.
Оолдар, уруглар практиктиг кичээл үезинде баштайгы дүрүмнерни шыңгыы сагып, билиглерин быжыглаан.