Өртке удур айыыл чок чоруктуң дүрүмнерин сагыыры чугула

Хүндүс чылып эгелээнден, чөпшээрел чокка кургаг сигенни өрттедип турарындан база хадып-сырыннап турарындан өрттүң өөскүп болур айыылы улгаткан.

Хууда бажыңнарлыг кижилерниң, садчыларның болгаш огородчуларның өрттедип турары богунуң ыжы кончуг хоралыг, ылаңгыя хлор холумактыг чук сава кончуг айыылдыг агаар хирлендирикчизи болур. Ол ышкаш өжүрбейн октапкан таакпы, сереңги улуг отту болдуруп, кижилерниң амы-тынынга айыылды чедирип турар.

Эрги сигенден болгаш бүрүлерден, бок-сактан аштанып турар бажың ээлери өртке удур айыыл чок чорук техниказын сагып, оваарымчалыг болуру күзенчиг:
- хатчыл үеде чыылган бокту өрттетпеңер;
- кыпкан отту хайгаарал чок арттырбаңар;
- хат күштелгенде, кургаг сиген хөлчок дүрген хөрлээлээрин утпаңар.

Октаарының бетинде таакпыны, сереңгини хынамчалыг өжүрүңер;
- өрт өөскээнин эскерзиңерзе, кыдыындан тоомча чок эртпеңер.

Өрттенип эгелеп бар чыткан сигенни өл будуктар-биле, элезин, довурак чажып өжүрерге, чогумчалыг;
- өжүрүп кааш, оттуң катап хып келбезинге шынзыгыңар;
- өрттүң чалбыыжы силерге алыспас хире болза, өрт өжүрер чогуур албан черлеринче дүрген долгаңар.