Бөгүн 15:00 шакта Бүгү делегейде төрээн дыл хүнүнге уткуштур Национал школа хөгжүдер институттуң директору, филология эртемнериниң кандидады Елена Куулар «Сөстер делегейинче аян-чорук» деп онлайн лекцияны дорт дамчыдылгага эрттирерин институт дыңнаткан.
Тыва дылдың сөс курлавыры аажок байлак. Чараш дылывыстың сөстер делегейинче аян-чорук кылыры-биле онлайн лекцияже силерни чаладывыс.
Кандыг-даа дириг амытанны назы-харының аайы-биле аңгылап адаар болгай. Чижээ, инектиң төлүн бир дугаар чылында бызаа, ийи харлаптарга, молдурга, улаштыр хунажын, азы шары дээш адап чоруй баар.
Айтырыг!
А балыктың төлү байлаңны өзүлдезиниң аайы-биле ылгап адап турар сөстер билир силер бе?
«Сөстер делегейинче аян-чорук» деп онлайн лекцияның дорт дамчыдылгазын дыңнааш, боттарыңарның сөс курлавырыңарның кайы хире байлаан тодарадып ап болур силер.
Дорт эфирни улуг класстың өөреникчилери, студентилер, ада-иелер, башкылар болгаш өске-даа дылга сонуургалдыглар дыңнап, сонуургаан айтырыгларын бижип болур.
«Классная встреча» в Мугур‑Аксы: школьники открыли для себя мир альпинизма и горного туризма
В селе Мугур‑Аксы Монгун-Тайгинского района прошла «Классная встреча» с руководителем и членами клуба альпинизма и горного туризма «Менги» во главе с Дамыраком Данзы.