Сүт-Хөл кожууннуң Кара-Чыраа ортумак школазы чаа автобустуг болган

Тываның ниити өөредилге албан черлеринге «Өөредилге» национал төлевилел-биле чаа школа автобустарын дамчыткан. Сүт-Хөл кожууннуң Кара-Чыраа ортумак школазы база чаа хөлгени алган.

Республиканың школа автопарыгынга немей келген 47 чаа «ПАЗ», «ГАЗ» база «УАЗ» маркалыг автобустар Чаа чылдан эгелеп өөреникчилерни аай-дедир аргыштырып эгелээр. Чаа чычааннарны машина-техниказы эргижирээн школаларже чоруткан.

Тываның школа автопарктары 2016 чылдан тура 331 чаа автобустарын алган. Хөлгелерни чүгле уругларны школаже чедиреринге эвес, а школачыларның аңгы-аңгы спортчу, культурлуг болгаш өске-даа хемчеглеринче, дыштаныр черлерже бөлүктер аайы-биле аргыштырарынга ажыглаар.

Аргыжылганың айыыл чок чоруун хандырар дээш тахографтар, дүргенин кызыгаарлаар дериг-херекселдер, чырыткылар, чолаачыны кыйгыртыр базыткыыштар, навигация херекселдери-биле дерээн.

Федералдыг деткимче-биле республиканың школа автопарктарын чепсеглээри ам-даа уламчылаар. Келир чылын 25 школа автобузунга чагыгны белеткеп турар.