Сентябрьдан эгелеп, S7 Airlines авиакомпаниязы «Новосибирск – Кызыл – Новосибирск» рейстериниң санын неделяда 11 чедир көвүдедир. Үш чыл бурунгаар ужудуп эгелээн бо маршрут хереглелдиг болганындан, ону үш катап өскерткен.
«Новосибирск – Кызыл» авиарейс 2023 чылда ужуп эгелээнин сагындыраал. Ынчан ол неделяда үш катап ужуп турган. Оон S7 Тываже кышкы үеде хүннүң-не, а чайын неделяда сес катап ужуп эгелээн.
2025 чылда авиакомпания чайгы үеде ужудуушкуннарны 11 чедир көвүдеткен болза, бо чылын, 2026 чылдың сентябрьдан эгелеп, вторник санында немей рейстер ужуп эгелээринден, ооң саны неделяда 11 чеде бээр.
Россияның иштинде кайы-даа угже, ол ышкаш Азияның дыка хөй хоорайларынче улаштыр Новосибирск (Толмачево) аэропортундан ужуп чоруптар болганы-биле, Тываның чурттакчыларынга ол рейс дыка нептереңгей дээрзин тускай мергежилдиглер тайылбырлаан.
