Садчыгаштан кат-чимис чыып…

Чөөн-Хемчик кожууннуң Чадаанада назылап-кыраан болгаш шимчеп албас хамаатыларга дазылга бажыңының девискээринде улуг эвес сад бар.

Дазылга бажыңының удуртулгазы болгаш коллективи социал ачы-дуза алыкчыларынга кончуг хумагалыг хамаарылгалыг. Хүннүң-не оларга буянны сөңнээрин, арыг агаарга агаарладып, садка, огородка кады ажылды организастаарын кызыдып турарлар.

Социал ачы-дуза алыкчылары хостуг үезин чүүл-бүрү болдуруп, өстүрүп алган инек-караазының баштайгы каттарын улуг күзел-биле чыып алган. Улуг назылыг улустуң арга-арыг кирер шинээ бар эвес. Дазылга бажыңында садчыгаш оларга бойдус хүрээлелинче шымныгып кире бээр арганы тургускан.