«Сайлык» лагеринде дыштанып турар уруглар-биле ужурашкан

Тес-Хем кожууннуң прокурору Айдың Даржаа, кожуун баштыңы Чодураа Донгак "Сайлык" лагеринде ийиги сезонда дыштанып турар уругларга ужуражып четкенин чагырга чери дыңнаткан.

Аалчылар оолдар болгаш уругларга дыштанылга үезинде бот-боттарынга хумагалыг болурун чагып, ажы-төлдүң эргелериниң база хүлээлгелериниң дугайында чугааны чоруткан.

Дыштанылга лагериниң ажылдакчыларының болгаш кижизидикчи башкыларның ажылын шынгыы хынааш, ажы-төлдүң айыыл чок чоруунче кичээнгейни кол угландырарын сагындырган.