Салым-чаяанныг малчын өг-бүле: Буян биле Алдынай Кара-Салдар

Бай-Тайга кожуунга Россияда чарлаттынган Өг-бүле чылынга тураскааткан «Салым-чаяанныг малчын өг-бүле» деп кожуун чергелиг мөөрей болуп эрткенин чагырга чери дыңнаткан.

Мөөрейге киришкен өг-бүлелер ажы-төлү-биле кады улустуң аас чогаалынга болгаш өске-даа жанрларга боттарының уран салым-чаяанын бараалгатканы онзагай болган.

Бирги черни Буян биле Алдынай Кара-Салдарның, ийиги черни Айдын биле Чинчи Араптаннарның, үшкү черни Адыгжы биле Долаана Хертектерниң өг-бүлелери чаалап алган.

«Көрүкчүнүң үнелели» деп шаңналга Артыш биле Сайзана Күжүгеттер, «Тергиин аас чогаал» деп шаңналга Виктория Күжүгет биле оглу Аржаан, «Тергиин ыры» деп шаңналга Раиса Хертек биле оглу Дагжы олар төлептиг болганнар.