Сарлыкчылар байырлалынга белеткелдер кидин түлүк

Мөңгүн-Тайга кожууннуң Кызыл-Хаяның культура одаанга регионнар аразының сарлык болгаш сарлыкчылар байырлалынга белеткелдер кидин түлүк.

Август 8-9 хүннеринде Мөңгүн-Тайга кожуунга Тыва Арат Республиканың ССРЭ-ниң составынче киргенинден бээр 80 чыл оюнга база Россия Федерациязының база Тыва Республиканың көдээ ажыл-агыйының алдарлыг ажылдакчызы, Тыва Республиканың Күш-ажылдың Маадыры Өшкү-Саар Ооржактың 80 харлаанынга тураскаадып, регионнар аразының сарлык болгаш сарлыкчылар байырлалын демдеглеп эрттирер.

Байырлалга Тываның көдээ ишчилеринден аңгыда, Бурятияның, Алтай Республиканың, Моолдуң Увс, Архангай баз Ховд аймактарының сарлыкчылары кээп киржир. Регионнар аразының III сарлыкчылар фестивалы делегей чергелиг кылдыр эртери ол.

Байырлал хүннеринде эртем-практиктиг конференция, сарлыкчылар өг-бүлелериниң чыскаалы, аът чарыжы, хүреш, баг адар база чадаг чарыш болуп эртер.

Мөңгүн-Тайганың төпчүткен ном саң системазының “Төрээн черим малы чараш” деп төлевилели Тываның Баштыңының хамааты ниитилелди хөгжүдер грант акша-хөреңгизи-биле боттанып турарын сагындыраал.