Тываның В.Көк-оол аттыг Национал хөгжүм-шии театрының музейинге "Ажык лекторий" деп чаа төлевилелдиң баштайгы ужуражылгазы болуп эрткенин театр дыңнаткан.
“Төрээн дылывысты чидирбезиниң аргалары” деп чидиг теманы бир дугаар аалчывыс, филология эртемнериниң кандидады, Москва хоорайда РЭА-ның дыл эртеминиң институдунуң Россияның чоннарының дылдарын хумагалаар, сайзырадыр болгаш документация талазы-биле Эртем төвүнүң удуртукчузу Аржаана Сюрюн делгереңгейи-биле келген дыңнакчыларга илеткээн.
Төрээн тыва дылывысты хумагалап, ону нептередир ажылдарны чоргуспас болзувусса үш салгал болгаш тыва дылывыс чиде берип болур деп дүвүренчиг байдал барын дыңнадып, өске чоннарның дылдарының байдалдары-биле таныштырып, амгы үениң шакпын агымындан уштунмайн, төрээн дылывысты сайзырадыр кандыг аргаларны ажыглап болурун Аржаана Аржаана Сюрюн чыглып келген дыңнакчылар-биле үлешкен.
– Сонуургалдыг, дылы дээш ылап сагыжы аарып чоруур кижилер келгенинге өөрүдүм. Чонну дүвүредип турар айтырыглар ам-даа хөй, ынчангаш театрның бо эгелээшкини уламчылаарынга идегедим. Начын Кара-ооловичиге чалааны дээш улуу-биле четтирдим – деп, Аржаана Сюрюн сагыш-сеткили-биле үлешкен.
Дорт эфирниң бижидилгезин моон көрүп ап болур https://vk.com/wall-72450645_35517
Национал хөгжүм-шии театры аныяк эртемденниң чөпшээрели-биле дыңнакчыларның дилээн күүседип, илеткелдиң таныштырылгазын салган.
Үш салгал болгаш тыва дылывыс чиде берип болур
20 января 2023
38