Шагаан-Арыгда база Улуг-Хемниң суурларында түр үениң пунктуларын ажыткан

Улуг-Хем кожууннуң Шагаан-Арыгның 2 дугаар школазында, Хайыракан, Ийи-Тал база Арыг-Үзүү суурларында 90 оруннуг түр үеде чурттаар пунктулар ажылдап эгелээнин ТР-ниң Чазак Даргазының оралакчызы Орлан Сарыглар дыңнаткан.

Хөй аалдыг бажыңнарны эргий кезип, түр үеде чурттаар пунктулар ажыттынганын медээлеп дыңнаткан. Чурттакчыларны ынаар чедирери-биле автобус-биле чедирилгени организастаан.

Улуг-Хем кожууннуң чагыргазы түр үеде чурттар черге хереглелдиг чурттакчыларга харылзажыр дугаарларны социал четкилерде парлаан. Чагырга чериниң чанындан пунктуларже автобустар чоруп турарын айыткан.

Түр үениң пунктуларын турскайлаан черлер:

- Шагаан-Арыгның 2 дугаар школазының спорт залы, харыысалгалыг кижи – школаның директору Кызыл-оол Саяна Начыновна, 89010199123;

- Хайыракан суурнуң спорт залы, харыысалгалыг кижи – Хайыракан суму чагыргазының даргазы Оюн Чаян Сергеевич, 89955508179;

- «Эзирлер уязы» спорт залы, Ийи-Тал сумунуң аграрлыг школа-интернады, Ийи-Тал суурнуң көдээ культура бажыңы, харыысалгалыг кижи –Ийи-Тал суму чагыргазының даргазы Болат-оол Алдын-оол Монгушевич, 89010171343;

- Арыг-Үзүү суурнуң спорт залы, харыысалгалыг кижи –Арыг-Үзүү суму чагыргазының даргазы Солдуп Шойчат-оол Валерьевич, 89235427770.

Түр үеде чурттадыр пунктулар талазы-биле ниити координатор – Улуг-Хем кожуун чагырга даргазының социал политика талазы-биле оралакчызы Даспак Михаил Лаа-Караевич, 89010190820, 89010190930.

Оралакчы дарга Орлан Сарыглар когараан котальная ажылчыннарының өг-бүлелеринге чугула дузаны көргүзерин дыңнаткан.